Nú þegar árið er á enda er ekki úr vegi að rifja upp mest lesnu fréttirnar á vef Viðskiptablaðsins, vb.is, á árinu. Hér er listi yfir fimm mest skoðuðu innslög VB Sjónvarps á árinu:
5. Breyta allri kennslu á Bifröst
Anna Elísabet Ólafsdóttir, aðstoðarrektor Háskólans á Bifröst, sagði frá breyttu kennslufyrirkomulagi á Bifröst.
4. Guðrún: Stjórnin vildi skipta um skipstjóra
Almar Guðmundsson var ráðinn nýr framkvæmdastjóri Samtaka iðnaðarins en forveri hans í starfi, Kristrún Heimisdóttir, lét af störfum viku áður samkvæmt samkomulagi við stjórn. Guðrún Hafsteinsdóttir, formaður Samtaka iðnaðarins, sagði að ekki hefði verið langur aðdragandi að ráðningu Almars.
3. Tvöfalt siðgæði að aðhafast ekki í máli Benedikts
Jón Steinar Gunnlaugsson fyrrverandi Hæstaréttardómari taldi mikilvægt fyrir trúverðugleika Benedikts Bogasonar, núverandi dómara við réttinn, að hann svari spurningum sem Jón bar upp við hann í grein sem hann birti í Morgunblaðinu.
2. Gæti gagnast námsmönnum og tekjulágum
Danska húsnæðiskerfið og hugsanleg innleiðing þess hér á landi voru til umræðu á fundi Dansk-Íslenska viðskiptaráðsins.
1. Margrét Pála: Við eigum líka heimskustu börnin
Margrét Pála Ólafsdóttir var meðal ræðumanna á ársfundi SA. Hún sagði Íslendinga eiga heimsmet í menntaeinokun.