Nú þegar árinu fer að ljúka er gott að líta yfir farinn veg og skoða mest lesnu veiðifréttir Viðskiptablaðsins á árinu 2016. Hér eru þær fréttir sem voru 6. til 10. mest lesnar á vef blaðsins:
6. 105 sentímetra risi á Spegilflúð
Veiðimaðurinn Daniel Waring landaði 105 sentímetra laxi í Laxá í Aðaldal þann 10. júlí. Sama mánaðardag í sömu laxveiðiá árið 1942 veiddi Jakob Hafstein stærsta lax sem veiðst hefur á stöng á Íslandi.
7. Árni áfram formaður
Í mars var ljóst að Árni Friðleifsson yrði áfram formaður Stangaveiðifélags Reykjavíkur en hann tók við formennsku af Bjarna Júlíussyni árið 2014.
8. Óperusöngvarar opna Norðurá
Laxveiðitímabilið hófst á laugardeginum 4. júní þegar stórsöngvararnir Kristinn Sigmundsson og Kristján Jóhannsson opnuðu Norðurá.
9. 100 milljóna króna meiri sala
Veiðileyfasala hjá Stangaveiðifélagi Reykjavíkur gekk vel í mars en þá hafði félagið selt fyrir 100 milljónum meira en á sama tíma 2015.
10. Bó velur lög fyrir veiðitúrinn
Björgvin Halldórsson tónlistarmaður setta saman tíu laga lista fyrir veiðiferðina.
