Fasteignaverð á höfuðborgarsvæðinu hækkaði um 3,3% í marsmánuði sem er það mesta á einum mánuði frá 2007. Þetta kemur fram í leiðréttum tölum frá Þjóðskrá Íslands.
Í frétt á vef Þjóðskrár segir að mistök hafi verið gerð við vinnslu talnanna þegar þær voru fyrst birtar í apríl en þá var talið að hækkun fasteignaverðs hafi numið 1,6% milli mánaða sem þó var sagt mest hækkun fasteignaverðs í einum mánuði frá maí 2017.
Sjá einnig: Bullandi seljendamarkaður
Eftir leiðréttinguna nemur hækkun vísitölunnar síðustu 3 mánuði 4%, en 6,5% síðustu 6 mánuði og 10,7% síðustu 12 mánuði. síðastliðna 6 mánuði hækkaði hún um 6,5% og síðastliðna 12 mánuði hækkaði hún um 10,7%. Hækkunin síðustu 12 mánuði er sú mesta síðan í janúar 2018. Vísitalan fyrir aprílmánuð verður birt á morgun.
Sjá einnig: Ógöngur á fasteignamarkaði?
Uppfærsla vísitölunnar kemur til viðbótar við fleiri vísbendingar um að fasteignamarkaðurinn sé að hitna verulega þó hagfræðingar takist á um hvort bæta þurfi verulega í byggingar íbúðarhúsnæðis eða að verktökum takist að anna eftirspurn.
