Capacent metur gengi bréfa Festi á 137 krónur á hlut í nýlegu verðmati á félaginu og hækkar matsgengið um 14% frá síðasta mati. Metur Capacent félagið á 45 milljarða sem er 4,6% hærra en það var við lokun markaða á miðvikudag.

Skýrist hærra verðmat á félaginu af góðu gengi smásöluhluta félagsins þó framlegð af eldsneytissölu hafi lækkað. Þá telur Capacent að rykið sé farið að setjast á sameiningu N1 og Festi og að töluverður ávinningur gæti náðst úr sameiningunni.