Aðal flugfélag Ástrala, Qantas hefur hagnast um 1,42 milljarð ástralskra dala og nánast tvöfaldað hagnað á milli ára. Þetta kemur fram í frétt BBC.
Þetta var í kjölfar endurskipulagningar hjá fyrirtækinu eftir mettap árið 2014.
Fyrirtækið hefur meðal annars sagt upp starfsfólki, en það hagnaðist einnig á lækkun olíuverðs.
Hlutabréf í Qantas hafa hækkað 4% í kjölfar fréttanna um þennan methagnað.
Fyrirtækið vill enn fremur veita starfsmönnum sínum 3,000 ástralskra dollara eða því sem jafngildir um 247 þúsund króna bónus, vegna góðs gengis fyrirtækisins.