Rafbílaframleiðandinn Tesla skilaði mettapi á fyrsta ársfjórðungi ársins en félagið tapaði 710 milljónum dala eða sem nemur 71 milljarði króna.
Félagið gekk jafnframt hratt á lausafé sitt en frjálst fjárflæði þess var neikvætt um 1 milljarð dala eða sem nemur 100 milljörðum króna á fjórðungnum. Í fyrra var frjálst fjárflæði Teslu neikvætt um 277 milljónir dala.
Tesla segir fyrirtækið geta orðið arðbært ef það nær markmiði um að framleiða 5.000 Model 3 bíla á viku fyrir mitt árið. Í lok apríl var framleiðslumagnið þó ekki nema 2.270 slíkir bílar. Það verður því mikið undir fyrir Tesla á öðrum ársfjórðungi.
