Microsoft hefur keypt sænska tölvuleikjafyrirtækið Mojang fyrir tvo og hálfan milljarð bandaríkjadala, eða tæpa 300 milljarða íslenskra króna. Wall Street Journal greinir frá þessu.

Með samningnum eignast Microsoft tölvuleikinn Minecraft sem er gríðarlega vinsæll um heim allan. Microsoft sér ákveðinn hag í þessu og telur mögulegt að lokka þessa spilendur til Xbox One leikjatölvunnar, en sala hennar hefur verið undir væntingum.

Sala fyrirtækisins er nokkuð óvænt þar sem Markus Peterson, stofnandi Mojang, hafi áður slegið öll tilboð frá sér og talað opinberlega gegn stórum tæknifyrirtækjum, þ.á.m. Microsoft. Í síðustu viku fóru hins vegar að berast fréttir af samningaviðræðum félaganna.