Tæknirisinn Microsoft tilkynnti sl. föstudag að 1.050 starfsmönnum fyrirtækisins í Finnlandi yrði sagt upp, samkvæmt frétt YLE . Tilkynningin kemur í kjölfar viðræðna fyrirtækisins við fulltrúa atvinnurekenda í Finnlandi.
Fyrirtækið tilkynnti í júlí sl. að um 18 þúsund starfsmönnum yrði sagt upp næsta árið. Verður þar aðallega um að ræða starfsmenn sem unnu hjá Nokia áður, en Microsoft keypti fyrirtækið í vor.
Fyrirhugað er að leggja niður rannsóknar- og þróunardeild fyrirtækisins í Oulu þar sem um 500 manns starfa. Um er að ræða umfangsmestu uppsagnir í sögu fyrirtækisins.
