Miðengi ehf., eignarhaldsfélag Íslandsbanka, hefur eignast 62,9% í eignarhaldsfélaginu BLIH ehf. sem fer með allt hlutafé í Ingvari Helgasyni ehf. og Bifreiðum og landbúnaðarvélum ehf. Aðrir hluthafar eru SP-Fjármögnun hf. með 18,6% eignarhlut og Lýsing hf. með 18,5% eignarhlut. Breytingin á eignarhaldi kemur til í kjölfar fjárhagslegrar endurskipulagningar en sú vinna hefur staðið yfir undanfarna mánuði. Nú starfa um 125 manns hjá félögunum tveimur.
Þetta kemur fram í tilkynningu frá Miðengi.
„Ekki hefur verið tekin ákvörðun um hvenær eignarhluturinn verður settur í söluferli.
Félögin tvö eru með mörg af þekktustu bílaumboðunum hér á landi; BMW, Hyundai, Isuzu, Land Rover, Nissan, Opel, Renault og Subaru.
Forstjóri er Arnar Bjarnason.
Stjórn Eignarhaldsfélagins BLIH ehf. skipa:
Hanna Katrín Friðriksson
Björn Víglundsson
Karl Þorsteins
Magnús Scheving Thorsteinsson
Hjörtur Nielsen“