*

mánudagur, 18. nóvember 2019
Erlent 16. júní 2019 18:06

Miðlurum bannað að drekka í vinnunni

Kauphöll málmviðskipta í Bretland bætist í hóp fyrirtækja sem loka fyrir langa hádegisverði við drykkju.

Ritstjórn
Miðlarar í London Metal Exchange, kauphöll um málmviðskipti í City of London, en nú geta þeir ekki lengur stundað viðskipti sín eftir að hafa innbyrt áfengi.
european pressphoto agency

Kauphöll um málmviðskipti ýmis konar í sveitarfélaginu City of London, viðskiptahverfi samnefndrar borgar, er nýjasta fyrirtækið í borginni sem hefur bannað starfsmönnum að stunda viðskipti eftir að hafa fengið sér áfengi.

Nær bannið til 120 starfsmanna þeirra níu fyrirtækja sem starfa innan kauphallarinnar London Metal Exchange, frá miðlurum til skrifstofufólks, en það kemur í kjölfar svipaðra reglna sem Lloyd´s setti fyrr á árinu.

Samkvæmt frétt BBC er ákvörðunin ekki sögð vera svar við einhverju ákveðnu atviki, en töluverð gagnrýni var á kokteilboð í Playboy klúbbi undir merkjum kauphallarinnar. Í maímánuði var fyrsti kvenkyns stjórnarformaður kauphallarinnar kjörinn, Gay Huey. Eru reglurnar ekki einskorðaðar við hefðbundinn vinnudag frá 9 að morgni til 5 síðdegis.

Stikkorð: London of City