Samsett hlutfall í október var 109,8% en það var 97,5% í október í fyrra. Samsett hlutfall það sem af er ári er 98,3% og samsett hlutfall síðustu 12 mánaða er 97,9.
Nafnhækkun fjárfestingareigna var 0,5% í október en nafnhækkun frá áramótum er 5,9%.
VÍS greiddi viðskiptavinum sínum 1,7 milljarð í tjónabætur í október og hefur greitt viðskiptavinum rúmlega 13 milljarða í tjónabætur það sem af er ári.
„Mikill tjónaþungi gerði það að verkum að afkoma af vátryggingagreinum var almennt slæm í mánuðinum. Sérstaklega slæm afkoma var af erlendum endurtryggingum og var samsett hlutfall í greininni 158%. Skýrist það fyrst og fremst af óhagstæðri gengisþróun sem ein og sér útskýrir rúmlega sex prósentustig af samsettu hlutfalli félagsins en skilaði sér aftur á móti í jákvæðum áhrif á fjárfestingatekjur,“ segir Helgi Bjarnason, forstjóri VÍS.
