Borgarleikhúsið hefur ráðið Kristjönu Millu Snorradóttur til starfa sem mannauðsstjóra
Milla er með meistaragráðu í verkefnastjórnun (MPM) og B.Sc. í iðjuþjálfunarfræðum. Áður starfaði hún sem mannauðs- og rekstrarstjóri Heilbrigðisstofnunar Vestfjarða og var þar áður mannauðsstjóri hjá Nordic Visitor.
Milla segir virkilega spennandi að ganga til liðs við Borgarleikhúsið á þessum tímapunkti
„Mér finnst þetta heillandi umhverfi og ég hlakka til að verða hluti af líflegum vinnustað þar sem fólk með ólíkan bakgrunn vinnur saman að því að skapa upplifanir og töfra,“ segir Milla.
Brynhildi Guðjónsdóttur, leikhússtjóra Borgarleikhússins segir það vera einstakt gleðiefni að Milla sé komin í raðir leikhússins.
„Hér er á ferð reynslumikil, jákvæð og sérlega vönduð manneskja sem mun hjálpa okkur að bæta og móta til framtíðar. Það skiptir öllu máli að utan um heildina sé vel haldið. Við bjóðum Millu hjartanlega velkomna og hlökkum til samstarfsins,“ segir Brynhildur.
