Bautinn ehf., sem rekur einn elsta veitingastað landsins á Akureyri, hagnaðist um rúmlega milljón króna á síðasta ári borið saman við tæplega 34 milljónir árið áður. Rekstrarhagnaður var tæplega 183 þúsund en var 40,7 milljónir árið áður.

Skýrist samdrátturinn af minni sölu, sem nam rúmum 406 milljónum en var 472 milljónir árið áður.

Eignir Bautans námu 98,4 milljónum í árslok og var eigið fé 62,1 milljón.

Handbært fé lækkaði um 37 milljónir, einkum vegna 33 milljóna króna arðgreiðslu. Bautinn er í eigu Guðmundar Karls Tryggvasonar.