*

laugardagur, 20. júlí 2019
Innlent 26. desember 2016 11:19

„Misheppnað Evrópusamband"

Fyrrum seðlabankastjóri Bretlands segir ákveðin tækifæri felast í Brexit og lætur nokkuð stór orð falla um ESB.

Ritstjórn
AFP

Mervyn King, fyrrum seðlabankastjóri Bretlands, telur ákveðin tækifæri felast í útgöngu Breta úr Evrópusambandinu. Þetta sagði King í útvarpsviðtali á BBC í morgun.

Hann sagði að Brexit væru ekki „endalok heimsins" fyrir Breta þó umskiptin yrðu ekki auðveld enda áskoranirnar margar. Raunveruleg tækifæri fælust í því að standa fyrir utan Evrópusambandið. Í því sambandi nefndi hann sérstaklega umbætur í landbúnaðarkerfinu og aukið samstarf við Írland.

„Að standa fyrir utan frekar misheppnað Evrópusamband, sérstaklega í efnahagslegum skilningi, veitir okkur tækifæri en veldur okkur auðvitað líka pólitískum erfiðleikum," sagði King.

Stikkorð: ESB Evrópusambandið Mervyn King Brexit