Umfjöllun og fréttir af stjórnmálaflokkum eru mjög fyrirferðarmiklar í íslenskum fjölmiðlum og aldrei eins og í aðdraganda kosninga. Nokkuð mismunandi þó eftir miðlum og það er einnig mismikið fjallað um einstaka flokka í hverjum miðli.

Hér er sýnt hve mikið var fjallað hlutfallslega um flokkana í helstu miðlum frá upphafi árs. Hafa ber í huga að mikil umfjöllun þarf ekki að þýða að verið sé að hampa flokkinum, öðru nær stundum. Moggi fjallar þannig ívið meira um Sjálfstæðisflokkinn en hinir fréttamiðlarnir, en enginn meira en Stundin.

Á móti kemur að stjórnmálamenn fella sig oft vel við gagnrýna umfjöllun, þeir eru að því leytinu eins og aðrir listamenn, sem kjósa fremur slæma umfjöllun en enga.