Gengi hlutabréfa stoðtækjafyrirtækisins Össurar lækkaði um 1,69% í Kauphöllinni í dag. Afar lítil viðskipti voru með hlutabréfin eða fyrir eina milljón króna.
Á sama tíma lækkaði gengi bréfa Icelandair Group um 1,04% í 312 milljóna króna veltu, gengi bréfa TM fór niður um 0,98%, Marel um 0,82%, Haga um 0,47% og Eimskips um 0,2%.
Einungis gengi hlutabréfa fasteignafélagsins REgins hækkaði í dag eða um 0,95%.
Úrvalsvísitalan hækkaði um 0,71% og endaði hún í 1.255 stigum. Heildarvelta á hlutabréfamarkaði nam 705 milljónum króna.
