MNH Holding í Noregi hefur keypt 50% hlut í Fiskeldi Austfjarða hf. Þetta segir í tilkynningu félagsins.

MNH Holding er eitt af stærstu fiskeldisfyrirtækjum Noregs sem er í einkaeigu. Félagið segir þessi kaup vera mikla viðurkenningu fyrir fiskeldi á Íslandi.

Fiskeldi Austfjarða hf. er með 11.000 tonna framleiðsluleyfi í Beru- og Fáskrúðsfirði, ásamt því að eiga 50% eignarhlut í seiðastöðinni Ísþór í Þorlákshöfn og fiskvinnslunni Búlandstindi í Djúpavogi.

Félagið stefnir að því að vera leiðandi fyrir tæki á Íslandi í framleiðslu á laxfiski en það hefur fengið umhverfisvottunina Aqua Gap, sem er staðfesting á umhverfisvænni eldisstefnu félagsins.