Morgunblaðið mun gefa frá sér nýja viðtalsþætti undir nafninu Dagmál. Þetta kemur fram á forsíðukápu blaðsins í morgun en fyrsti þátturinn fer í loftið föstudaginn 26. febrúar næstkomandi. Þættirnir verða eingöngu aðgengilegir áskrifendum blaðsins.
Með þáttagerðinni hyggst Morgunblaðið „koma til móts við breytta neysluhætti sem fylgja nýrri tækni og nýjum tímum“, en fram kemur að fleiri lesendur blaðsins lesa það nú á skjám og snjalltækjum.
Þá tilkynnti Árvakur, móðurfélag Morgunblaðisins, einnig um ráðningu fjögurra nýrra starfsmanna í morgun.
- Ágúst Héðinsson verður verkefnastjóri á markaðssviði, en hann er fyrrverandi framkvæmdastjóri 365 miðla.
- Brynjólfur Löve Mogensson verður verkefnastjóri samfélagsmiðla en hann er helst þekktur undir nafninu Binni Löve á samféalgsmiðlum. Síðastliðin þrjú ár hefur hann starfað stafrænu auglýsingastofunni KIWI sem sérfræðingur á stafrænum miðlum.
- Eygló Jónsdóttir verður verkefnastjóri í áskriftardeild. Eygló hefur áður starfað á auglýsingadeild Íslenska útvarpsfélagsins, eigandi hjá almannatengslafyrirtækisins Franca, og starfsmaður hjá Vefpressunni og Frjálsri fjölmiðlun.
- Klara Íris Vigfúsdóttir tekur við starfi starfsmannastjóra Árvakurs. Klara var forstöðumaður flugfreyja og -þjóna hjá Icelandair frá árinu 2017 og forstöðumaður hjá Ferðaskrifstofu Íslands á árunum 2015-2017 og sem framkvæmdastjóri ÍMARK á árunum 2013-2015.
Svo virðist sem um sjö mismunandi þætti verði að ræða hjá Morgunblaðinu en þeir eru eftirfarandi:
- Viðskipti í umsjón Stefáns Einars Stefánssonar
- Íþróttir í umsjón Bjarna Helgasonar
- Listir í umsjón Ragnhildar Þrastardóttur
- Þjóðmál í umsjón Andrésar Magnússonar
- Hagsmunamál í umsjón Bjartar Ólafsdóttur
- Menning í umsjón Árna Matthíassonar
- Umbúðalaust í umsjón Eggerts Skúlasonar
Skjáskot úr auglýsingunni sem birtist með Morgunblaðinu í dag.