*

föstudagur, 6. ágúst 2021
Innlent 21. október 2014 16:34

MS unir ekki niðurstöðu Samkeppniseftirlitsins

MS segir niðurstöðu Samkeppniseftirlits byggja á fordæmalausri túlkun á búvörulögum.

Ritstjórn
Birgir Ísl. Gunnarsson

MS hefur kært niðurstöðu Samkeppniseftirlitsins í máli þar sem félagið var sektað um 370 milljónir króna fyrir alvarlega misnotkun á markaðsráðandi stöðu á mjólkurmarkaði. Félagið hefur því skotið niðurstöðunni til áfrýjunarnefndar samkeppnismála.

Í fréttatilkynningu frá MS segir að niðurstaða Samkeppniseftirlitsins byggi á fordæmalausri túlkun á búvörulögum. Þar fyrir utan hafi verið alvarlegir vankantar á málsmeðferð Samkeppniseftirlitsins og að niðurstaða byggi á misskilningi á eðli viðskiptanna sem um ræddi.

Í tilkynningunni segir jafnframt að vegið sé að samstarfi afurðastöðva með niðurstöðunni og komið í veg fyrir frekari ábata fyrir neytendur og bændur.

Stikkorð: MS Samkeppniseftirlitið