Sigrún Magnúsdóttir, umhverfis- og auðlindaráðherra, ætlar ekki að bjóða sig fram í næstu Alþingiskosningum. Þetta kemur fram í viðtali hennar við Kjarnann í dag. Segir hún að tími sé til kominn að einhver yngri taki við þeim málum sem Framsóknarflokkurinn hefur verið að vinna að.
Sigrún segir jafnframt að þó að það sé sterk löngun í henni að framfylgja sjálf góðum málum Framsóknar þá telji hún að aldur og fyrri störf segi henni að nú sé komið gott.
Sigrún hefur verið þingmaður Reykjavíkurkjördæmis norður síðan árið 2013. Hún var varaþingmaður Reykvíkinga mars til apríl 1980 og apríl til maí 1982. Sigrún var þingflokksformaður framsóknarmanna árin 2013 til 2015.
Sigrún hefur verið umhverfis- og auðlindaráðherra fyrir Framsóknarflokkinn síðan 31. desember 2014.