American Airlines stefnir að því að fljúga daglega á milli Keflavíkur og Philadelphia sumarið 2021 samkvæmt drögum að flugáætlun félagsins að því er Túristi greinir frá . Áætlunarflugið átti að hefjst í sumar en frestast um ár vegna kórónuveirufaraldursins. Flogið verður á Airbus A321neo í stað Boeing 757-200 eins og til stóð upphaflega. Sætin í Airbus vélunum eru 20 fleiri en gömlu Boeing vélunum.
Túristi bendir á að flugfélagið hafi hafið áætlunarflug til Íslands eftir að bæði Icelandair og Wow hófu beint flug til Dallas sem er höfuðvígi American Airlines.
Flugvefurinn One Mile at a Time segir að ákvörðun um flugvélina marki viss tímamót hjá American Airlines. Óvenjulegt sé að flugvélar sem séu innréttaðar til innanlandsflugs í Bandaríkjunum líkt og Airbus A321neo séu nýttar í millilandaflug hjá flugfélaginu.
