Milljarðamæringurinn Rupert Murdoch hefur selt 3,6 milljónir hluta í fjölmiðlaveldi sínu News Corp. Verð hlutanna var um 61,7 milljónir dala, að því er fréttastofa Bloomberg greinir frá.

© Gunnhildur Lind Photography (Gunnhildur Lind Photography)
Fyrir viðskiptin átti Murdoch um 12,8 milljónir hluta í félaginu, sem hefur hækkað um 12% í kauphöll á árinu.

News Corp. gefur út The Wall Street Journal, New York Post, The Sun, The Sunday Times, The Times, Daily Telegraph og The Daily. Einnig rekur félagið Fox sjónvarpsstöðvarnar auk þess að eiga stóran hlut í  bresku Sky sjónvarpsstöðvunum.