Myndasíða: Lögmenn fjölmenntu til að kjósa

Aðalfundur Lögmannafélags Íslands (LMFÍ) fór fram nýverið. Fundurinn var vel sóttur enda fór þar fram formannskjör og var Jónas Þór Guðmundsson kjörinn formaður.

Hann sigraði Evu Bryndísi Helgadóttur örugglega í kjörinu og tekur við embætti af Brynjari Níelssyni. Jónas Þór var áður varaformaður félagsins en nánar er fjallað um hann hér aftar í blaðinu.

Brynjar fagnaði því að svo margir hefðu sótt fundinn sem raun bar vitni. Hann sagðist þó ímynda sér að menn væru ekki að fjölmenna þarna til að hlusta á skýrslu fráfarandi stjórnar, heldur af öðrum ástæðum.

Þórarinn V. Þórarinsson hrl., Andri Árnason hrl. og Árni Helgason hdl. fylgjast með aðalfundarstörfum.

Það fór vel á með keppinautunum Evu Bryndísi Helgadóttur hrl. og Jónasi Þór Guðmundssyni hrl. fyrir fundinn.

Jónas Þór og Ragnar Aðalsteinsson hrl. ræðast við fyrir aðalfundinn.

Sveinn Andri Sveinsson hrl. og Valtýr Sigurðsson, fyrrv. ríkissaksóknari, sátu hlið við hlið á fundinum. Þeir hafa oftar en
ekki setið gegnt hvor öðrum í réttarsal enda hefur Sveinn Andri tekið að sér að verja hina ýmsu sakborninga.

Helga Vala Helgadóttir, hdl. og fyrrverandi varaþingmaður Samfylkingarinnar, sést hér á spjalli. Hún lenti nýlega upp á kant við Brynjar Níelsson, fráfarandi formann félagsins.

Brynjar Níelsson, hrl. og fráfarandi formaður LMF Í, greiðir atkvæði í formannskjöri.

Talsmaður neytenda, Gísli Tryggvason, greiðir atkvæði í formannskjöri.