*

föstudagur, 14. ágúst 2020
Innlent 1. febrúar 2019 18:02

Myndir: Allir vilja vera vinsælir

Á dögunum kynnti stjórnunarfélagið Stjórnvísi, niðurstöður Íslensku ánægjuvogarinnar árið 2018.

Ritstjórn
Fulltrúar fyrirtækjanna sem hlutu viðurkenningu Íslensku ánægjuvogarinnar í þetta sinn stilltu sér upp fyrir myndatöku.
Haraldur Guðjónsson

Á dögunum kynnti stjórnunarfélagið Stjórnvísi, niðurstöður Íslensku ánægjuvogarinnar árið 2018, en þetta var tuttugasta árið sem ánægja viðskiptavina með íslensk fyrirtæki var mæld með þessum hætti.

Voru birtar niðurstöður fyrir 29 fyrirtæki í 9 atvinnugreinum, og viðurkenningar afhentar á fimm mörkuðum, en á fjórum mörkuðum, þar sem ekki var marktækur munur á efstu tveim sætunum, voru ekki veittar eiginlegar viðurkenningar en þau fengu blómvönd í viðurkenningarskyni. Átti það við um tryggingafélög, raforkusölur, matvörumarkaði og banka.

Á eldsneytismarkaði var bensínstöð Costco í efsta sæti, og jafnframt fékk félagið hæstu einkunn allra fyrirtækja fyrir bensínstöðina en taka verður fram að á smásölumarkaði var félagið með þriðju lægstu einkunnina. Nova var efst á farsímamarkaði, Vínbúðir ÁTVR efst á smásölumarkaði, BYKO efst á byggingavörumarkaði og Icelandair efst á flugmarkaði.

Starfsmenn Sjóvár fagna því að hafa orðið efst tryggingarfélaga í Íslensku ánægjuvoginni, þau Ásdís Helgadóttir,
Hrönn Sigurðardóttir, Sigríður Helga Árnadóttir, Hafsteinn Esekíel Hafsteinsson, Hermann Björnsson, Auður Daníelsdóttir, Elín Þórunn Eiríksdóttir og María Guðmundsdóttir.

Gestunum fannst greinilega gaman að því sem fram fór á árlegum atburði Stjórnvísi.

Gréta María Grétarsdóttir, framkvæmdastjóri Krónunnar, tók við verðlaunum fyrir hönd fyrirtækisins, en Krónan var efst matvöruverslana.

Fulltrúi Costco mætti til að taka við viðurkenningu Íslensku ánægjuvogarinnar, en bensínstöð félagsins fékk hæstu einkunn allra fyrirtækja í þetta sinn.

Erna Gísladóttir, forstjóri BL.

Margrét Tryggvadóttir, forstjóri Nova.