Myndir: Birna hringdi bankann á markað

Mikil gleði var í Norðurturni í Kópavogi þegar Birna Einarsdóttir, bankastjóri Íslandsbanka, hringdi bankann inn í Kauphöllina við upphaf viðskipta á þriðjudaginn. Skráningin fór fram að undangengnu stærsta frumútboði Íslandssögunnar, þar sem umframeftirspurnin var níföld og 24 þúsund keyptu hluti í bankanum.

Birna og Magnús Harðarson, forstjóri Kauphallarinnar, en Íslandsbanki er tuttugasta félagið á aðalmarkaði Kauphallarinnar og það þriðja stærsta.

Jón Gunnar Jónsson, forstjóri Bankasýslu ríkisins, og Þórólfur Heiðar Þorsteinsson, lögfræðingur Bankasýslunnar, voru að vonum ánægðir með að bankinn væri kominn á markað, en Bankasýslan heldur áfram utan um þau 65% sem ríkið á í bankanum.

Margrét Kristmannsdóttir, framkvæmdastjóri Pfaff, nýr fálkaorðuhafi og fyrrverandi stjórnarmaður í Íslandsbanka, Friðrik Sophusson, fyrrverandi stjórnarformaður bankans, og Vilhjálmur Bjarnason, fyrrverandi þingmaður, létu sig ekki vanta.

Nokkur fjöldi starfsmanna Íslandsbanka og annarra áhugasamra mætti til að fagna skráningunni.

Rut Gunnarsdóttir, regluvörður Íslandsbanka, og Magnús Fannar Sigurhansson, lögfræðingur hjá bankanum voru á staðnum.

Guðrún Þorgeirsdóttir, stjórnarmaður í Íslandsbanka, og Hallgrímur Snorrason, formaður stjórnar bankans.

Heiðrún Jónsdóttir, stjórnarmaður í Íslandsbanka, og Írunn Ketilsdóttir, Kristín Hrönn Guðmundsdóttir og Guðný Sigurðardóttir, starfsmenn bankans, voru viðstaddar athöfnina.