Vorráðstefna RB var haldin á dögunum og var hún haldin í samvinnu við Fjártækniklasann. Yfirskrift ráðstefnunnar er "Er Ísland of lítið fyrir banka framtíðarinnar?"
„Bankaþjónusta er að taka miklum breytingum. Ný tækni á borð við blockchain og gervigreind er að ryðja sér til rúms og landamæri í bankaþjónustu eru að verða óljósari með tilkomu áskorenda banka (challenger banks) á borð við Starling og Monzo. Á sama tíma er samstarf hefðbundinna banka og fjártæknifyrirtækja að aukast til muna. Hvernig mun íslenskt fjármálakerfi standa sig í samkeppninni sem er handan við hornið, erum við einfaldlega nógu stór til að taka þátt í þessum breytingum eða verður þetta slagur alþjóðlegra risa?" sagði í fundardagsskránni.
Aðalfyrirlesari fundarins var Leda Glyptis. Leda er þekktur fyrirlesari, rithöfundur og fræðimaður á sviði bankaþjónustu og fjártækni. Leda er sérfræðingur í breytingastjórnun, fjártækni og stafrænum breytingum. Hjá ráðgjafafyrirtækni 11:FS er Leda ábyrg fyrir afkomusviði félagsins þar sem hún starfar m.a. með Jason Bates einum af stofnendum Monzo og Starling. Leda kom til 11:FS frá Qatar National Bank þar sem hún var ábyrg fyrir nýsköpun hjá bankanum. Leda er hafsjór af fróðleik á sviði breytingastjórnunar, stafrænna umbyltinga og stefnumótunar. Það verður áhugavert að heyra hvernig hún lítur á þær breytingar sem eru að verða á stöðu Íslands.
Aðrir sem töluðu á fundinum voru:
- Gunnlaugur Jónsson hjá íslenska fjártækniklasanum.
- Ragnhildur Geirsdóttir, forstjóri RB.
- Kristján Mikaelsson hjá íslensku Blockchain stofnuninni.
- Thomas Krogh Jenssen, danska fintech stofnunin
- Bent Dalager hjá KPMG.
Leda Glyptis var aðalfyrirlesari ráðstefnunnar og fjallaði um hvort Ísland væri of lítið fyrir banka framtíðarinnar.
Sigurður Arnar Jónsson, forstjóri Motus ehf.
Helga Valfells, framkvæmdastjóri Crowberry Capital.
Steinþór Pálsson, meðeigandi KPMG.
Herdís Dröfn Fjeldsteð, framkvæmdastjóri FSÍ.