Reiðufé er nú notað í 1,8% viðskipta samkvæmt Seðlabankanum en var í 6,9% árið 2018.
Lilja Björk Einarsdóttir, bankastjóri Landsbankans tók þátt í pallborðsumræðu.
Ljósmynd: BIG
Deila
Ráðstefnan Notkun reiðufjár í verslun og þjónustu var haldin af Samtökum fjármálafyrirtækja og Samtaka verslunar og þjónustu í síðustu viku á Grand Hotel. Rúmlega 100 manns mættu til að ræða framtíð reiðufjár frá ýmsum hliðum.
Jón Ólafur Halldórsson, formaður Samtaka verslunar og þjónustu, flutti opnunarávarp á fundinum.
Á fundinum fór Bengt Nilervall, sérfræðingur hjá Svensk Handel, systursamtökum Samtaka verslunar og þjónustu í Svíþjóð, yfir reynslu Svía af minnkandi reiðufjárnotkun en Svíar hafa þótt leiðandi á þessu sviði.
Heiðrún Jónsdóttir, framkvæmdastjóri Samtaka fjármálafyrirtækja og fundarstjóri á fundinum fór meðal annars yfir hvaða breytingar hafa orðið á fjármálaþjónustu, frá því hún var sumarstarfsmaður í afgreiðslu hjá Samvinnubankanum á Húsavík á síðustu öld.
Bengt Nilervall, sérfræðingur hjá Svensk Handel, systursamtökum Samtaka verslunar og þjónustu í Svíþjóð, fór yfir reynslu Svía af minnkandi reiðufjárnotkun en Svíar hafa þótt leiðandi á þessu sviði.
Gunnars Jakobsson, varaseðlabankastjóri fjármálastöðugleika, flutti í kjölfarið erindi um hvernig málið horfði við Seðlabankanum. Að sögn Gunnars fjölgar hratt þeim einstaklingum sem nota aldrei reiðufé í viðskiptum og samkvæmt könnunum er elsti aldurshópurinn eftirbátur þeirra yngri í að draga úr reiðufjárnotkun.
Gunnar Jakobsson, varaseðlabankastjóri fjármálastöðugleika, ræddi minnkandi notkun reiðufjár frá ýmsum hliðum en Seðlabankinn áætlar að um 1,8% af greiðslum í viðskiptum eigi sér nú stað með reiðufé.
Fjörugar umræður sköpuðust í pallborði sem Andrés Magnússon, framkvæmdastjóri SVÞ stýrði. Þar ræddu Ásta Fjeldsted, forstjóri Festi, Lilja Björk Einarsdóttir, bankastjóri Landsbankans, Margrét Kristmannsdóttir, framkvæmdastjóri Pfaff og Sigríður Björk Guðjónsdóttir, ríkislögreglustjóri notkun á reiðufé út frá sjónarhóli fjármálageirans, verslunar og lögregluyfirvalda.
Bryndís Kristjánsdóttir sem stýrir sviði Eftirlits og rannsókna hjá Skattinum og var áður skattrannsóknarstjóri.
Sigríður Dís Guðjónsdóttir, framkvæmdastjóri Greiðsluveitunnar, dótturfélagi Seðlabankans, og Páll Kolka Ísberg hjá Seðlabankanum og stjórnarmaður í Greiðsluveitunni.
