*

fimmtudagur, 27. júní 2019
Innlent 7. apríl 2019 19:01

Myndir: Sjö ára þeysireið Wow air

Wow air var lýst gjaldþrota í síðustu viku eftir ríflega sjö ára rekstur. Fyrirtækið var alla tíð áberandi í íslensku samfélagi.

Ritstjórn
Skúli Mogensen skilar inn gögnum vegna umsóknar um flugrekstrarleyfi hjá Samgöngustofu í apríl 2013. Umsóknargögnin voru yfir 7.500 síður.

Wow air var lýst gjaldþrota í síðustu viku eftir ríflega sjö ára rekstur. Fyrirtækið og Skúli Mogensen, stofnandi og forstjóri þess, voru alla tíð áberandi í íslensku samfélagi.

Jóna Lovísa Jónsdóttir, prestur og fitnessmeistari, opnaði bókunarvef WOW Air, ásamt Skúla Mogensen 23. nóvember 2011.

Dorrit Moussaieff, þáverandi forsetafrú, nefndi fyrstu flugvélina sem Wow air festi kaup á, Airbus A321, Freyju, á Reykjavíkurflugvelli í mars 2015

Guðni Th. Jóhannesson, forseti Íslands, afhenti Skúla Mogensen verðlaunin markaðsmaður ársins hjá ÍMARK, samtökum markaðsfólks á Íslandi, á Kjarvalsstöðum í desember 2017.

Skúli Mogensen í hjólreiðakeppninni Wow Cyclothon sumarið 2013. Keppnin hefur frá upphafi verið tengd nafni Wow air, en mun vera haldinn á ný í ár undir nýju nafni .

Alla tíð var lagt mikið upp úr klæðnaði starfsmanna Wow air. Gunni Hilmarsson hannaði  flugfreyjubúninga félagsins. Fjólublái liturinn var áberandi og þótti skera sig úr klæðnaði starfsmanna annarra flugfélaga.

Skúli Mogensen þjónaði farþegum í jómfrúarferð Wow air sumarið 2012.

Fyrsta áætlunarflugið frá Íslandi til Indlands tók á loft 6. desember 2018. Indlandsflug Wow air varð skammlíft því viku síðar var tilkynnt að síðasta flugferðin yrði þann 20. janúar 2019.

Stikkorð: Skúli Mogensen Wow air
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is