Atvinnuþróunarfélag Þingeyinga, Háskólinn á Akureyri, landeigendur, Skútustaðahreppur, orkufyrirtæki og fjöldi einstaklinga hafa sett á laggirnar félagið Mýsköpun ehf. Dagbjört Bjarnadóttir, formaður félagsins, segir að undirbúningur hafi staðið yfir í um tvö ár, en þó sérstaklega síðasta árið þar sem undirbúningshópur vann þétt saman. „Sérstök áhersla er á að nýta afgangsvarma og auka fjölbreytni í sveitarfélaginu,“ segir Dagbjört um félagið sem nýverið fékk kennitölu.
Fyrsta verkefnið snýr að þörungaræktun. „Sýni verða tekin úr Mývatni og verið er að rækta þörunga. Við ætlum ekki að rækta þá í vatninu heldur utan þess, með það að markmiði að fá úr því söluvæna vöru,“ segir hún.
Nánar er fjallað um málið í Viðskiptablaðinu. Áskrifendur geta nálgast blaðið hér .
