Úrvalsvísitala kauphallar Nasdaq Iceland hækkaði um 0,47% í viðskiptum dagsins og stendur hún nú í 1830,16 stigum eftir 3,6 milljarða viðskipti.
Mest velta var í viðskiptum með bréf N1 sem hækkuðu um 9,73% í tæplega 1,2 milljarða króna viðskiptum.
Gengi bréfa TM hækkaði um 2,62% í 279 milljóna króna viðskiptum og Símans um 2,1% í 636 milljóna viðskiptum.
Gengi bréfa Skeljungs lækkaði um 0,82% í 68 milljóna viðskiptum og Marel um 0,79% í 154 milljóna viðskiptum.
Mikil velta var með skuldabréf í Kauphöllinni í dag og nam heildarvelta 16,4 milljörðum króna.
Vísitölur Gamma
Skuldabréfavísitala Gamma hækkaði um 0,06% í 0,9 milljarða viðskiptum. Þar hækkaði verðtryggði hluti vísitölunnar um 0,07% og sá óverðtryggði um 0,05%.
