Hlutabréfaverð N1 hækkaði mest í dag, eða um 3,23% í 411 milljón króna viðskiptum.

Össur hækkaði næstmest eða um 2,06% í 1,1 milljón króna viðskiptum, Icelandair um 1,55% og Marel um 1,27%. Vodafone lækkaði mest eða um 0,49% í 90 milljón króna viðskiptum.

Heildarvelta á markðnum nam 6,7 milljörðum, þar af námu viðskipti með hlutabréf 1,6 milljarði. Úrvalsvísitalan hækkaði um 0,83% og var lokagildi hennar 1.538,34 stig, hún hefur aldrei verið hærri.