Úrvalsvísitala Kauphallar Nasdaq Iceland lækkaði um 0,57% í viðskiptum dagsins og stendur hún nú í 1774,73 stigum eftir rúmlega 3,5 milljarða viðskipti.
Gengi bréfa Icelandair Group lækkaði um 1,56% í 280 milljóna viðskiptum og Eimskips um 1,44% í 67 milljóna viðskiptum.
Gengi bréfa N1 hækkaði um 2,2% í 293 milljóna króna viðskiptum og Haga um 1,29% í 260 milljóna viðskiptum.
Mest velta var í viðskiptum með bréf Marel sem lækkuðu um 1,45% í 1,8 milljarða króna viðskiptum.
Vísitölur Gamma
Skuldabréfavísitala Gamma hækkaði um 0,14% í 4,8 milljarða viðskiptum. Þar lækkaði verðtryggði hluti vísitölunnar um 0,05% og á meðan sá óverðtryggði hækkaði um 0,55%.
