*

föstudagur, 24. september 2021
Innlent 23. júlí 2021 11:30

Nálgast óð­fluga út­boðs­gengið

Hlutabréfagengi Play er nú komið í 20,4 krónur og hefur lækkað um allt að 28% frá því að best lét.

Snær Snæbjörnsson
Magnús Harðarson, forstjóri Kauphallarinnar, og Birgir Jónsson, forstjóri Play.
Birgir Ísl. Gunnarsson

Eftir kröftuga byrjun flugfélagsins Play á hlutabréfamarkaði nálgast það óðfluga útboðsgengið og er nú, þegar þetta er skrifað, í 20,4 krónum á hlut eða 0,4 til 2,4 krónum yfir útboðsgenginu.

Strax eftir fyrsta dag viðskipta, þann 9. júlí síðastliðinn, voru bréf félagsins komin í 24,6 krónur á hlut eða 23 til 37 prósent yfir útboðsgenginu. Síðan þá hefur félagið lækkað um 17 prósentustig.

Á fyrsta degi viðskipta áður en kauphöllinn opnaði voru skráð viðskipti með bréf félagsins um hálfur milljarður króna á genginu 25 krónur á hlut eða 25 til 39 prósentustigum yfir útboðsgenginu. Sé miðað við útboðsgengið og gengið 25 krónur á hlut hafa bréf félagsins félagið lækkað um 20 til 28 prósentustig. 

Útboðsgengi bréfanna var 18 krónur á hlut fyrir áskriftarleið A sem náði til boða undir 20 milljónum króna og 18 til 20 krónur á hlut í áskriftarleið B fyrir boð yfir 20 milljónum.

Stikkorð: Play