Tap japanska bílaframleiðandans Mazda nam 73,4 milljónum dala (ríflega 10 milljarðar króna) á þriðja ársfjórðungi og er tapið sagt tilkomið vegna samdráttar í sölu vegna kórónuveirufaraldursins. Reuters greinir frá.
Um verulegan neikvæðan viðsnúning er að ræða en á sama tímabili í fyrra hagnaðist bílaframleiðandinn um 182 milljónir dala.
Reiknar bílaframleiðandinn, sem er sá fimmti stærsti í Japan, með að heildartap ársins 2020 verði um 385 milljónir dala.
