Jón Þorsteinn Jónsson, fyrrverandi formaður stjórnar Byrs, Ragnar Z. Guðjónsson, fyrrverandi sparisjóðsstjóri Byrs, og Styrmir Þór Bragason, fyrrverandi forstjóri MP Banka, neituðu í Héraðsdómi Reykjavíkur í morgun sök í svokölluðu Exeter máli. Var það við þingfestingu í fyrstu ákæru embættis sérstaks saksóknara frá bankahruni. Þremenningarnir eru ákærðir fyrir umboðssvik en Styrmir Þór er að auki ákærður fyrir peningaþvætti.