*

mánudagur, 16. september 2019
Erlent 10. september 2019 08:08

Neitar að afhenda gögn um 737 Max

Fyrrum starfsmaður Boeing og einn af hönnuðum 737 Max neitar að afhenda gögn til rannsóknaraðila.

Ritstjórn
Boeing vélarnar 737 Max eru enn kyrrsettar en vonir standa til að kyrrsetningunni verði aflétt síðar í haust.
epa

Einn af aðalhönnuðum Boeing 737 Max og fyrrum starfsmaður flugvélaframleiðandans neitar að afhenda gögn til rannsóknaraðila flugslysana tveggja sem rakin eru til galla í hönnun vélanna. Starfsmaðurinn ber fyrir sig fimmtu grein Bandarísku stjórnarskrárinnar sem veitir einstaklingum rétt til þess að svara ekki spurningum sem gætu valdið þeim skaða. Frá þessu er greint í dagblaðinu The Seattle Times

Að bera fyrir fimmtu greininni til þess að komast hjá vitnaleiðslu er oft á tíðum talið til marks um sekt viðkomandi. Hins vegar er sjaldgæft að fimmta greininn sé notuð til þess að afhenda ekki umbeðin gögn. Segir í grein Seattle Times að ástæða starfsmannsins kunni að vera hluti af eðlilegum samskiptum verjanda og saksóknara. 

Starfsmaðurinn, Mark Forkner, var áður aðalflugmaður í tækniþróunardeild Boeing en starfar nú sem flugmaður fyrir Southwest Airlines. Samstarfsmenn Forkners hafa greint frá því að hann hafi verið áhyggjufullur um að ná ekki að klára verkefni sín í tæka tíð vegna mikillar tímapressu og hafi leitað til samstarfsfélaga í leit að aðstoð. Hann hafi því farið framm á að búnaðurinn, sem er talinn hafa valdið slysunum, yrði ekki hluti af leiðbeiningum sem flugmenn vélanna yrðu að kunna skil á, en flugmálayfirvöld samþykktu beiðini hans.  

Stikkorð: Boeing Max 737