*

þriðjudagur, 25. júní 2019
Erlent 7. maí 2018 19:02

Nestlé selur Starbucks

Nestlé keypti réttinn til að selja Starbucks kaffi utan kaffihúsa fyrirtækisins. Nespressounnendur gætu því keypt Starbucks á næstunni.

Ritstjórn
epa

Svissneska matvæla- og drykkjarvörufyrirtækið Nestlé hefur komist að samkomulagi við bandaríska kaffiframleiðandann Starbucks um að selja kaffi fyrirtækisins utan kaffihúsa félagsins. Nestlé sér þannig um smásölu kaffisins, sem hefur það meðal annars í för með sér að Nespressokaffiunnendur geta notað Starbucks kaffi í náinni framtíð. Nestlé borgar 7,1 milljarð bandaríkjadala, ríflega 700 milljarða íslenskra króna, fyrir að selja kaffið.

Nestlé býst við að sala á Starbucks kaffi skili fyrirtækinu um tveimur milljörðum dala í tekjur. Í frétt á vef BBC segir að þrátt fyrir þetta fái Nestlé ekki að merkja sér þær vörur Starbucks sem það selur. 500 starfsmenn Starbucks munu í kjölfarið flytjast yfir til Nestlé en halda þrátt fyrir það kyrru fyrir í Seattle, þar sem höfuðstöðvar Starbucks eru.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is