*

fimmtudagur, 18. júlí 2019
Erlent 19. mars 2019 15:15

Netflix ekki með Apple

Apple hleypur af stokkunum nýrri sjónvarpsveitu en Netflix verður ekki með í henni. Disney opnar einnig veitu.

Ritstjórn
Netflix hefur ákveðið að bjóða ekki upp á eigið efni á nýrri sjónvarpsveitu Apple.

Ný sjónvarpsveita á vegum Apple verður opnuð þann 25. mars nk. þar sem boðið verður upp á sjónvarpsefni frá öðrum aðilum á borð við CBS og Starz. Hins vegar hefur það vakið athygli að efni frá sjónvarpsveitunni og framleiðandanum Netflix verður ekki í boði á Apple-veitunni. Frá þessu er greint á fréttavef Bloomberg.

Reed Hasting, framkvæmdastjóri Netflix, staðfesti þetta á blaðamannafundi síðastliðinn mánudag og bar því við að félagið vildi að fólk horfði á efni þess í gegnum Netflix-veituna. 

Ákvörðun Netflix er sögð til marks um að samkeppni milli sjónvarpsveita muni aukast hratt á þessu ári, en auk Apple hyggst Disney einnig opna nýja sjónvarpsveitu á næstunni.

Stikkorð: apple Netflix sjónvarpsveita
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is