Tæknifyrirtækið Sony skipar fyrsta sætið yfir þau vörumerki sem breskum neytendum þykja nýjungagjörn, samkvæmt könnun Marketing.
Á eftir koma tæknifyrirtækin Apple og Microsoft. Á hinn bóginn þykja vörumerkin Barclays, HSBC og British Airways leiðinleg og litlaus.
Í frétt Brand Republic um könnunina segir að 74% neytenda virði vörumerki sem eru í sífelldri framþróun. Auk þess sögðust 85% aðspurðra vilja vörur sem gerðu líf þeirra auðveldara.
Engu að síður eru 60% á móti því að skapa eitthvað nýtt, til þess eins að hafa eitthvað nýtt fram að færa.
Tuttugu nýjungagjörnustu vörumerkin:
1. Sony
2. Apple
3. Microsoft
4. Virgin
5. Nokia
6. Dyson
7. Nintendo
8. Tesco
9. Sky
10. Panasonic
11. Honda
12. Samsung
13. Google
14. Philips
15. Dell
16. Toyota
17. eBay
18. Amazon
19. BT
20. Toshiba