*

sunnudagur, 20. september 2020
Erlent 11. ágúst 2020 08:29

Fær pöntun fyrir 2.500 rafruslabíla

Hlutabréfaverð Nikola hækkaði um 22% í gær í kjölfar tilkynningu um framleiðslu á 2.500 rafruslabílum fyrir Republic Services.

Ritstjórn
Nikola Refuse

Rafbílaframleiðandinn Nikola tilkynnti í gær samkomulag um að framleiða 2.500 rafruslabíla fyrir sorprisann Republic Services, sem hefur möguleika á að bæta við 2.500 bílum. Stefnt er að því að afhenda bílana árið 2023. Hlutabréf Nikola hækkuðu um 22% í kjölfar tilkynningarinnar. WSJ greinir frá. 

Nikola gerðist almenningshlutafélag í júní síðastliðnum með öfugum samruna. Markaðsvirði félagsins, sem hefur nánast engar tekjur ennþá, fór upp fyrir 30 milljarða dollara í byrjun júní en hefur lækkað töluvert síðan. 

Stjórnendur Nikola hyggjast tilkynna síðar á árinu hvaða bílaframleiðanda það muni fara í samstarf með fyrir framleiðslu á Badger jeppunum. Einnig stendur til að velja samstarfsaðila fyrir uppbyggingu vetnisáfyllingarstöðva.

Fyrirtækið tapaði 87 milljónum dollara á öðrum ársfjórðungi. Tekjur þess námu 36 þúsund dollurum á tímabilinu, sem það fékk fyrir uppsetningu á sólarsellum fyrir Trevor Milton, stjórnarformann og stofnanda fyrirtækisins.