Advania efndi í síðustu viku til samkeppni meðal 10 þúsund viðskiptavina og samstarfsaðila fyrirtækisins og leitaði að nörd ársins - þeim sem hefur skarað fram úr í íslenskri upplýsingatækni undanfarið ár. Liðlega 300 manns hlutu tilnefningar og þar af fengu 18 manns fleiri en tíu atkvæði. Að þessu sinni var Rakel Sölvadóttir hjá Skema fyrir valinu.
Í umsögn dómnefndarinnar segir að Rakel, sem er stofnandi Skema, sé brautryðjandi í kennslu í forritun og hugbúnaðarþróun fyrir börn og unglinga. Verðlaunin voru afhent á Nýársgleði Advania síðastliðinn föstudag að viðstöddum ríflega 1.000 gestum.
Telma Halldórsdóttir og Selma Björnsdóttir létu sjá sig.
Fjöldi manns mættu einnig til þess að skoða nýju verslunina hjá Advania.
Margir voru spenntir að sjá nýja nörd ársins.