Búið er að leigja út allar hæðirnar í Norðurturninum við Smáralind. Reginn leigir fyrstu tvær hæðir hússins, en þaðan verður innangengt í Smáralind. LS Retail mun leigja elleftu til fimmtándu hæð hússins og hugbúnaðarfyrirtækið Annata verður á tíundu hæð.
Loks var tilkynnt um það um síðustu helgi að Íslandsbanki hyggðist flytja höfuðstöðvar sínar í turninn í haust. Höfuðstöðvar Íslandsbanka verða á þriðju til níundu hæð og auk þess mun bankinn opna útibú á fyrstu hæð.
Félagið Nýr Norðurturn hf. á og rekur turninn. Ríkharð Ottó Ríkharðsson, framkvæmdastjóri Nýs Norðurturns, segir að verið sé að klára sameignina og vinna í innréttingum. Í maí mun fyrsti leigutakinn flytja í húsið, en það er LS Retail. Ríkharð býst við að opnað verði á milli Smáralindar og Norðurturnsins í maí eða júní.
Nánar er fjallað um málið í Viðskiptablaðinu sem kemur út á morgun. Meðal annars efnis í blaðinu er:
- Skeljungur ætlar á markað.
- Úttekt á námslánum frá LÍN.
- Skiptum er lokið á þrotabúi Glaums.
- Aðalhagfræðingur Seðlabankans segir Óttar Guðjónsson misskilja peningastefnuna.
- Landsbankinn hefur verið dæmdur til að endurgreiða ógilt skuldabréf.
- Kröfur í þrotabú Baugsfélags námu 17 milljörðum króna.
- Fjórða kynslóð RAV4 jepplingsins prufukeyrð.
- Engin ákvörðun hefur verið tekin um sumarþing á Alþingi.
- Svipmynd af Hildi Ólafsdóttur, framkvæmdastjóra Rafarnarins.
- Ítarlegt viðtal við Sigurð Pál Hauksson, forstjóra Deloitte.
- Huginn og Muninn eru á sínum stað auk Týs sem fjallar um forsetaframboð.
- Óðinn fjallar um sykursamsæri.
