Norrænir leikjaframleiðendur bindast samtökum

Samtök norrænna tölvuleikjaframleiðenda voru stofnuð í Reykjavík í vikunni og var stofnsamningurinn undirritaður í Ráðhúsi Reykjavíkur af formönnum leikjaframleiðenda í Danmörku, Noregi, Svíþjóð, Finnlandi og Íslandi. Formaður íslensku samtakanna IGI, Jónas Björgvin Antonsson, skrifaði undir samninginn fyrir hönd Íslands.

Um 330 norræn leikjafyrirtæki eiga aðild að samtökunum og hjá þeim starfa ríflega 4.000 manns. Árleg velta fyrirtækjanna nemur um 360 milljónum evra, andvirði um 57,6 milljarða íslenskra króna.

Steingrímur J. Sigfússon, efnahags- og viðskiptaráðherra, ávarpaði viðstadda.

Jón Gnarr, borgarstjóri Reykjavíkur, fagnaði stofnun samtakanna.