Úrvalsvísitölur norrænu hlutabréfamarkaðanna hafa hækkað töluvert það sem af er ári, segir greiningardeild Landsbankans.
Finnsku og norsku úrvalsvísitölurnar hafa hækkað um 12% og sú sænska um 5%, en til samanburðar hefur íslenska úrvalsvísitalan hækkað um 18%.
Danska úrvalsvísitalan sker sig úr hópi hinna norrænu, en hún hefur lækkað um 1% frá áramótum.
Meginorsök lækkunarinnar má væntanlega rekja til óróleika í landinu vegna hótanna og viðbragða múslima við birtingu skopmynda af Múhameð spámanni sem birtust í Jyllandsposten í lok janúar á þessu ári, segir greiningardeildin,
Þetta telst nokkuð góð ávöxtun í samanburði við úrvalsvísitölur í Bandaríkjunum og Evrópu, segir greiningardeildin.
Þannig hefur S&P vísitalan sem samanstendur af 500 stærstu fyrirtækjum Bandaríkjanna hækkað um 3,3% frá áramótum og DAX, þýska úrvalsvísitalan í hefur hækkað um 6,7%.
Ef teknar eru hækkanir á norrænum mörkuðum síðustu 12 mánuði hækkaði íslenska úrvalsvísitalan um 57%, en þar á eftir kemur norska úrvalsvísitalan með 44% hækkun. Minnst var hækkunin á sænsku úrvalsvísitölunni eða 29%.
