Erlend dótturfélög Norvik sem eru starfrækt undir nafni Norvik Timber Industries í Eistlandi, Lettlandi og Bretlandi verða seld til sænska félagsins Bergs Timber. Norvik er stærsti eigandinn í Bergs Timber með tæplega þriðjungshlut en frá þessu er greint í tilkynningu frá Bergs Timber sem er skráð í sænsku kauphöllinni. Kaupin eru háð samþykki stjónar Bergs Timber.
Eins og stendur á Norvik 29.52% hlut í Bergs Timber en eftir kaupin verður hluturinn í 64.68% en Norvik hyggst þó með tímanum lækka hlutinn undir helmgina.
Kaupverðið nemur allt að 771 milljón sænskra króna, eða um 9,9 milljarðar íslenskra króna. Þar af verða 3,5 milljarðar íslenskra króna greiddar út og 5,9 milljarða fær Norvik í formi hlutafjár í Bergs Timber sé miðað við gengið 2,71. Þá eru greiðslur sem tengjast árangri Bergs Timber á næstu árum innifaldar í upphæðinni.
Félögin sem til stendur að selja eru m.a. timburvinnslan Byko-Lat í Lettlandi en heildarveltaþeirra í fyrra nam veltu 20,7 milljörðum íslenskra króna.
Helstu eigendur Norvik eru þau Jón Helgi Guðmundsson sem á 31,4% hlut í Norvik og Guðmundur Halldór Jónsson, Iðunn Jónsdóttir og Steinunn Jónsdóttir sem eiga 21,9% hver.