*

fimmtudagur, 27. júní 2019
Innlent 12. ágúst 2014 13:23

Norwegian nýtir ekki afgreiðslutíma í Keflavík

Flugfélagið Norwegian mun ekki blanda sér í samkeppni um farþega frá Íslandi til Bretlands og Kaupmannahafnar.

Ritstjórn
european pressphoto agency

Norska lággjaldaflugfélagið Norwegian hefur fengið afgreiðslutíma í Keflavík fyrir flug til London og Kaupmannahafnar. Félagið hefur þó ekki nýtt sér þessa tíma, að því er fram kemur á vef Túrista. Útlit er ekki fyrir að félagið muni auka umsvif sín á Íslandi á næstunni.

Norwegian hefur vaxið ört á undanförnum árum og er í dag þriðja umfangsmesta lággjaldaflugfélag Evrópu. Félagið hóf að fljúga til Íslands fyrir tveimur árum og nú flýgur það hingað þrisvar í viku frá Osló og Bergen.

Félagið mun þó ekki blanda sér í samkeppni um farþega á leið til Bretlands og Kaupmannahafnar. Lasse Sandaker-Nielsen, talsmaður félagsins sagði í svari til Túrista að forsvarsmenn félagsins haldi áfram að skoða nýjar flugleiðir en geti ekki sagt fyrir um hugsanlega aukningu í Reykjavík. 

Stikkorð: Norwegian Air
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is