Heimsferðir hafa samið við Norwegian um flug sitt til Kanaríeyja næsta vetur, en Norwegian mun staðsetja vél á Íslandi til að sinna flugi fyrir fyrirtækið. Morgunflug verða í boði til Tenerife og Gran Canaria, en Norwegian flýgur til fjölda áfangastaða fyrir systurfyrirtæki Heimsferða í Danmörku og Svíþjóð.
Norwegian mun nota Boeing 737-800 vélar til flugsins, sem taka 186 sæti. Heimsferðir munu fljúga á þriðjudögum til Gran Canaria og á miðvikudögum til Tenerife næsta vetur.
Heimsferðir eru í eigu Andra Már Ingólfssonar, sem einnig átti flugfélagið Primera Air sem fór í gjaldþrot í byrjun október. Sá félagið meðal annars um flugferðir fyrir ferðaskrifstofur Andra Más.
