*

miðvikudagur, 17. júlí 2019
Erlent 14. ágúst 2018 14:39

Nvidia kynnir nýja kynslóð skjákorta

Hlutabréf skjákortsframleiðandans Nvidia hækkuðu um 1,7% eftir að hin nýja kynslóð skjákortsörgjörva, Turing, var tilkynnt í dag.

Ritstjórn
Jensen Huang, stofnandi og framkvæmdastjóri Nvidia, kynnti hina nýju kynslóð á SIGGRAPH ráðstefnunni.
epa

Stærsti skjákortsframleiðandi heims, Nvidia, kynnti í dag nýja kynslóð skjákortsörgjörva á ráðstefnu í Vancouver í Kanada. Hin nýja kynslóð mun taka við af Volta kynslóðinni og bera nafnið Turing, væntanlega eftir tölvunarfræðigoðsögninni Alan Turing, en hver kynslóð heitir eftir mikilsvirtum vísindamanni, oft á sviði sem tengist rafmagns- eða tölvuvísindum.

„Turing er mikilvægasta framfaraskref Nvidia á sviði myndvinnslu í yfir áratug,“ sagði stofnandi og framkvæmdastjóri félagsins, Jensen Huang á ráðstefnunni.

Hlutabréf í félaginu hækkuðu í kjölfarið um 1,7%, og hafa nú hækkað um 34% frá áramótum. Einn greiningaraðili segist í samtali við CNBC vera bjartsýnn um að hin nýja kynslóð muni auka sölu fyrirtækisins á seinni hluta ársins, og benti á að sala skjákorta hafi aukist um 46% næstu 12 mánuði eftir að Pascal, síðasta stóra kynslóðin, kom út.

Stikkorð: tækni skjákort Nvidia
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is