Heklugos var haldið í annað sinn í gær en það er samstarfsverkefni hönnuða og fyrirtækja á Suðurnesjum. Markmið Heklugoss er að kynna skapandi kraft og fjölbreytta hönnun sem finna má á Suðurnesjum. Yfir 700 manns mættu í Atlantic Studios þar sem sýningin var haldinn en heiðurinn af henni eiga Helga Steinþórsdóttir hönnuður og atvinnuþróunarfélagið Heklan.
Aðrir þátttakendur og stuðningsaðilar eru SKASS (samtök kraftmikilla, alvöru og skapandi suðurnesjakvenna), Bláa lónið, Íslandsbanki, Kadeco, Dutyfree Fashion og Valitor.
Fatnaður frá Free bird, Kron Kron, ELLU, Farmers Market og nýjasta merkinu í verslun Fríhafnarinnar, Huginn Muninn, var sýndur í gær.
