Með vísan til 2. mgr. 15. gr. samkeppnislaga nr. 44/2005 hefur viðskiptaráðherra skipað nýja stjórn Samkeppniseftirlitsins, en skipunartími fyrri stjórnar rann út í lok maí.
Rögnvaldur J. Sæmundsson dósent við viðskiptadeild Háskólans í Reykjavík er formaður stjórnar en aðrir aðalmenn eru Jóhann R. Benediktsson lögfræðingur og Inga Jóna Jónsdóttir hagfræðingur. Varastjórn skipa Eyvindur Grétar Gunnarsson hæstaréttarlögmaður, Guðný Hrund Karlsdóttir viðskiptafræðingur og Áslaug Árnadóttir skrifstofustjóri í viðskiptaráðuneyti.
